ناس هكرو قوانين الماركتينج

ازاي قدرت الناس دي تحقق المعادلة الصعبة في التسويق لمنتجاتهم؟ 🤔

أنا كعبدالرحمن ممكن أقعد بالساعات وافكر عشان اعمل حاجة تشد الناس، وتيجي حاجة بسيطة تغلبني.

-طب وهل ده شايفه نجاح من وجهة نظرك يا عبدالرحمن؟

--بالتأكيد ده نجاح، طلما قدر يشد الناس ويجيب عملاء للبراند بتاعه، وبالعكس كمان قدر يحفر في دماغ الناس الكلام الي بيقوله، وبكده مثلًا لما حد يجي يشتري من الافريقي هيقول أنا شاري "ممنوعات يا صاحبي"

 

-طب الناس دي عرفت تعمل كده ازاي؟

--الإجابة تكمن في إثارة الجدل أكثر ما تكون ابداع، بس في الآخر المبدء واحد والناس اتكلمت عن الشاذلي والافريقي، بس طبعًا ده مش هيدوم.

لأن ده منقدرش نحكم عليه أنه تسويق في كل حاجة زي الخطة أو الإستراتيجية أو حتى الاستهداف أو فهم طبيعة وبيئة السوق المتواجد، ده كله مكنش موجود في الفيديوهات، بس هو بشكل أو بآخر يعتبر نوع من أنواع التسويق.

 

وحاجة زي كده المفروض تعلمنا ازاي نستغل السوشيل ميديا صح، وإننا نشوف اللي بياكل مع الناس دلوقي (حاسسني قلبت بتاع مهراجنات 😅) والي اقصده نشوف اي الي بيعجب الناس وبيتابعوه الفترة دي.

أصل إنت ماركتير فلازم تشغل دماغك وتحط رجلك مكان العميل وتشوف إيه الي ممكن يعجبه.

 

ونصيحة البوست:

❞متبصش لرزق حد، رزقك مكتوبلك وهيجيلك لحد عندك، وبدل ما تقول ده جت معاه صدفة وأنت عارف إنها صدفة وممكن متتكررش تاني، فليه بقى متكلفش نفسك وتعمل حاجة برة الصندوق وكمان هتكون دائمة.❝

 

الهدف من البوست ده هو التوعية أكثر ما يكون إنك هتتعلم منه حاجة.

والمهم إنك تركز على نفسك وتسيبك من الناس، لأن محدش هينفعك غير نفسك وشغلك هو الي هيرفعك لفوق بإذن الله.

 

وكان معاكم عبدالرحمن حسن الحجازي في سلسلة محتوي ماركتاوي.

 

#عبدالرحمن_حسن_الحجازي

#ماركتاوي #ممنوعات_يا_صاحبي #ناس_هكرو_قوانين_الماركتينج #ماركتينج #تسويق #تنمية_ذاتية #تطوير_ذاتي

#Marketawy #Marketing #marketing_rules #marketingrules